SHBA akuzon Izraelin: Nuk po bën sa duhet për të adresuar shqetësimet tona

Shtetet e Bashkuara kanë akuzuar Izraelin se nuk po bën sa duhet për t’iu përgjigjur shqetësimeve për sulmet pa kriter në Gaza, që nuk kursejnë as civilët.

 “Ndaj po e bëj të qartë, ata nuk po bëjnë sa duhet për t’iu përgjigjur kërkesave tona. Ka shumë çështje për të cilat ju pyesni, për të cilat vende të tjera kanë pyetur dhe për të cilat Izraeli duhet të përgjigjet publikisht”,- Matthew Miller, zëdhënës i Departamentit të Shtetit.

Zëdhënësi tha më tej se situata sa i takon ndihmave humanitare që Izraeli u ofron civilëve në Gaza nuk është në nivelin që presin Shtetet e Bashkuara.

Ndërkohë, kreu i ushtrisë izraelite deklaroi se forcat mbrojtëse hebraike duhet të zgjerohen, pasi edhe lufta po zgjerohet në fronte të ndryshme.

Deklarata erdhi kur ndërmjetësit ndërkombëtarë po bëjnë përpjekje për të negociuar një armëpushim në Liban dhe Gaza dhe kur zyrtarë të Shtëpisë së Bardhë kanë mbërritur në Tel Aviv.

Diskutimet mbi zgjidhjen me dy shtete kanë nisur gjithashtu në Arabinë Saudite, e cila po pret takimin e parë të “aleancës së re globale” për të mbështetur krijimin e shtetit palestinez.

LEXONI GJITHASHTU:

• Palestra, trendi i adoleshentëve. Ortopedi: Duhet kujdes, mos të përdorin pesha
• Eksploziv në stacionin e Berlinit, “gjueti” për kapjen e të dyshuarit