Palestra, trendi i adoleshentëve. Ortopedi: Duhet kujdes, mos të përdorin pesha

Një trup i formuar dhe me  muskuj është bërë sot mania e adoleshentëve. Por ndërsa kërkojnë gjithmonë e më shumë gjatë ushtrimit, ata nuk e kuptojnë palestra po kthehet në një rrezik serioz për shëndetin e tyre.

Mjekët ortopedë thonë se janë të përditshme rastet kur fëmijë vijnë më dëmtime në shtyllën kurrizore apo muskuj për shkak të sforcimit të strukturave gjatë ushtrimeve në palestër.

“Nga palestra me pesha të rënda duhet pasur kujdes. Përdorimi i shtangës, mund të sjellë dëmtime të muskujve të stopojë rritjen kockore, mund të sjellë deformime të kolonës. Për mendimin tim peshat duhet të jenë zero te adoleshentët”,-tha Ilir Hasmuça ortoped, Spitali Universitar i Traumës.

Mjekët nuk janë kundër palestrave por vënë theksin tek masa, sepse stërvitja e trupit mund të bëhet e rrezikshme nëse nuk mbikëqyret nga instruktorët si në ushtrime ashtu edhe në konsumimin pa kriter të proteinave.

Por çfarë do të ishte e këshillueshme për fëmijët deri në moshën 18 vjeç sipas mjekëve?

“Sporti që unë këshilloj është noti dhe atletika”,-tha Hasmuça.

LEXONI GJITHASHTU:

• Palestrat sportive ”peng” i COVID, prej marsit ndalohen aktivitet sportive në sallat e mbyllura
• Bizneset që nuk rihapen në Francë, restorantet, palestrat dhe bota e cirkut vijojnë të jenë në izolim