SHBA: Arrestohet i dyshuari për sulmin vdekjeprurës në Universitetin Brown

Një burrë është në paraburgim pasi autoritetet bastisën një hotel për të arrestuar autorin e sulmit vdekjeprurës në Universitetin Brown që rezultoi në vdekjen e dy studentëve dhe plagosjen e nëntë të tjerëve.

Mediat lokale raportuan vendndodhjen e të dyshuarit, ndërsa CNN raportoi për një operacion policor në një hotel në Providence, rezultati i të cilit pritej informacion zyrtar. NBC raportoi arrestimin e një të dyshuari në posedim të të cilit u gjet një armë me karakteristika të ngjashme me ato të autorit të krimit.

Zyrtari i komunikimit për kryetarin e bashkisë së Providence konfirmoi për CNN se arrestimi lidhet me vrasjen.

Më shumë se 400 anëtarë të forcave të zbatimit të ligjit morën pjesë në hetimet për të identifikuar autorin e sulmit.

Universiteti mbeti i bllokuar për disa orë pasi një person i armatosur hyri në një ndërtesë ku po qëndronin studentët, ndërsa automjetet e emergjencës u rreshtuan në rrugët përreth kampusit disa orë pas incidentit.

Policia kishte publikuar më parë një video të të dyshuarit, një burrë rreth të 30-ave, i veshur me rroba të zeza. O’Hara shtoi se i dyshuari mund ta ketë pasur fytyrën të mbuluar me maskë. Ndërsa oficerët kanë gjetur gëzhoja në vendngjarje, ata nuk do të japin asnjë informacion në lidhje me armën që ai përdori, e cila nuk është gjetur.

LEXONI GJITHASHTU:

• E rëndë në SHBA, 15-vjeçari vret tre familjarë të ish të dashurës! Vihet në pranga
• Kosovë, nis ardhja e emigrantëve të parë të deportuar nga SHBA