SHBA/ Avioni me 64 pasagjerë përplaset me helikopterin ushtarak, gjenden18 trupa

Një aeroplan i American Airlines me 64 pasagjerë në bord që nisej nga Kansas u përplas me një helikopter ushtarak Black Hawk pranë aeroportit të Uashingtonit . Sipas CBS, deri më tani janë gjetur të paktën 18 trupa pa jetë, ndërsa katër persona janë shpëtuar.

Përplasja ndodhi ndërsa avioni ishte në fazën e uljes. Helikopteri, një Sikorsky H-60, ishte në një fluturim trajnimor.

Administrata Federale e Aviacionit (FAA) konfirmoi se përplasja mes dy aeroplanëve ndodhi gjatë fluturimit. CRJ700, i cili mund të mbajë mbi 60 pasagjerë, ishte rreshtuar për të ulur në pistën 33.

Sipas informacioneve nga mediat vendase deri më tani nuk ka asnjë indikacion për terrorizëm, sipas zyrtarëve të FBI-së.

Aksidenti çoi në pezullimin e nisjeve dhe mbërritjeve në aeroportin e Uashingtonit.

Presidenti i SHBA Donald Trump më vonë postoi në platformën e tij të mediave sociale, Truth Social:

“Aeroplani ishte në një linjë të përsosur dhe rutinë të afrimit me aeroportin. Helikopteri po shkonte drejt në aeroplan për një periudhë të gjatë kohore.Ishte  një natë e kthjellët. Dritat e avionit ishin të ndezura, pse helikopteri nuk u ngjit ose u kthye, pse kulla e kontrollit nuk i tha helikopterit se çfarë të bënte në vend që të pyeste nëse ata e panë avionin. Kjo është një situatë e keqe që duket se duhet të ishte parandaluar.

LEXONI GJITHASHTU:

• Aplikacioni kinez ‘gjunjëzon’ SHBA, si gjigantët e teknologjisë humbën 600 mld $
• Zëdhënësja për shtyp e Trump: SHBA harxhonte 50 milionë $ për prezervativë në Gaza