SHBA e BE shtojnë presionin ndaj Kosovës për Asocacionin. Ngec procesi i integrimit

“Euronews” Serbia ka raportuar se SHBA-ja ka kërkuar që çështja e anëtarësimit të Kosovës në Këshillin e Evropës të mos vihet në agjendë, derisa “Kosova të marrë një qëndrim më konstruktiv për Asociacionin e Komunave me Shumicë Serbe, i cili do t’i hapte rrugën propozimit të marrëveshjes bazë ndërmjet Beogradit dhe Prishtinës”.

“Së fundmi, një mesazh i ngjashëm ka ardhur edhe nga ambasada gjermane në Prishtinë, e cila ka theksuar se bllokimi i formimit të Asociacionit të Komunave me Shumicë Serbe do ta vështirësojë sigurimin e shumicës së nevojshme të votave për anëtarësimin e Kosovës në Këshillin e Evropës”, ka shkruar sot “Euronews”.

Departamenti i Shtetit Amerikan ka refuzuar t’i komentojë raportimet

Në një deklaratë për Zërin e Amerikës , DASH ka deklaruar se qëndrimi amerikan ndaj Asocacionit në Kosovë është i qartë.

“Siç kanë thënë këshilltari Derek Chollet dhe Zëvendës Ndihmës Sekretari i Shtetit Gabriel Escobat në një artikull të përbashkët – tani është koha për themelimin e Asociacionit të Komunave me shumicë serbe”, thuhet në deklaratën e DASH për VOA.

LEXONI GJITHASHTU:

• Haradinaj: Krijimi i asociacionit, rruga e vetme për tek marrëveshja finale
• Elvis Hoxha: Pse asociacioni do jetë kancer në trupin e Kosovës
• Ngjela zbulon pse SHBA dhe BE i bëjnë presion Kurtit për asociacionin