SHBA dhe Britania e Madhe nisin sulme të reja ndaj Houthis në Jemen

SHBA dhe Britania e Madhe kanë kryer një seri të re sulmesh ajrore të përbashkëta kundër objektivave Houthi në Jemen.

Pentagoni tha se sulmet e së hënës goditën tetë objektiva, duke përfshirë një depo nëntokësore dhe raketa Houthi dhe aftësinë e mbikëqyrjes.

Houthitë e mbështetur nga Irani kanë synuar anijet që ata thonë se janë të lidhura me Izraelin dhe Perëndimin, të cilat udhëtojnë përmes rrugës së rëndësishme tregtare të Detit të Kuq.

SHBA dhe Britania e Madhe thanë se po përpiqeshin të mbronin “fluksin e lirë të tregtisë”.
Një deklaratë e përbashkët e lëshuar nga Pentagoni konfirmoi “një raund shtesë sulmesh proporcionale dhe të nevojshme” kundër Houthis.

“Qëllimi ynë mbetet të de-përshkallëzojmë tensionet dhe të rivendosim stabilitetin në Detin e Kuq, por le të përsërisim paralajmërimin tonë për udhëheqjen Houthi”-thanw nw deklaratw.

Ky është sulmi i tetë i SHBA-së kundër objektivave Houthi në Jemen. Ky është operacioni i dytë i përbashkët me Britaninë e Madhe, pas sulmeve të përbashkëta të kryera më 11 janar.
Në deklaratën e përbashkët thuhet se sulmet u kryen me mbështetjen e Australisë, Bahreinit, Kanadasë dhe Holandës.

Avionët luftarakë amerikanë nga transportuesi USS Eisenhower u përfshinë në sulmet e së hënës.

LEXONI GJITHASHTU: 

• Shemsi Prençi për 21 Janarin: Jam krenar për policët. Na goditën me shkopinj hekuri
• Zjarr në Galerinë e Artit, digjen mbi 4,000 piktura nga koleksioni i Abkhazisë