“SHBA e konsideron sulm të orkestruar”, Meçollari analizon mos ndërhyrjen e KFOR

Ish- komandanti i Focave Detare Artur Meçollari, ka komentuar situatën e tensionuar në Veri të Kosovës, ku mbetën të vrarë një polic dhe tre sulmues.

I ftuar në emisionin “Review” në Euronews Albania, ai theksoi se i gjithë faktori ndërkombëtar i ka dhënë legjitimitet të plotë ndërhyrjes së policisë së Kosovës.

Më tej ai analizoi dhe mos ndërhyrjen e KFOR gjatë kohës që ndodhi sulmi .

“I gjithë faktori ndërkombëtar i ka dhënë legjitimitet të plotë ndërhyrjes së policisë së Kosovës. Në vlerësimin e situatës më i ashpër ka qenë ambasadori amerikan që e ka konsideruar sulm të armatosur të orkestruar. Pavarësisht se KFOR ka juridiksion, kuptohet se në rast se policia e Kosovës është në gjendje të kontrolloj situatën , KFOR mbase e ka parë të arsyeshme të mos e eskalojë situatën, të mbajë në kontroll dhe të zhvillohet një situatë normale. Ky është një akt i mirëfilltë terrorist”-tha Meçollari.

LEXONI GJITHASHTU: 

• Vuçiç i ashpër ndaj ndërkombëtarëve: Dyfytyrësi, s’do e njohim kurrë Kosovën
• A kishte informacion SHBA për sulmin? Çfarë po ndodhë në veri të Kosovës