SHBA kërcënon të tërheqë mbështetjen për forcën paqeruajtëse të OKB-së në Abyei

Ambasadori i SHBA-së në OKB, Mike Walz është shprehur se Shtetet e Bashkuara vendosën kushte për mbështetjen e vazhdueshme të misionit paqeruajtës të OKB-së në Abyei, territor i diskutueshëm midis Sudanit dhe Sudanit të Jugut.

“Ne e pranojmë që Sudani dhe Sudani i Jugut përballen me sfida të brendshme historike dhe të rëndësishme, si dhe me paqëndrueshmëri.

Kjo nuk i liron autoritetet nga përgjegjësitë e tyre për të përmbushur angazhimet e tyre kryesore sipas marrëveshjes së paqes të vitit 2011″, tha ai.

Walz u shpreh se populli i Abyeit ka pritur për 14 vjet për krijimin e marrëveshjeve të përkohshme administrative dhe të sigurisë, duke përfshirë një shërbim të përbashkët policor dhe përcaktimin e statusit përfundimtar të Abyeit”.

“Mosveprimi i vazhdueshëm nga palët dhe dobësimi i marrëveshjes së paqes dhe mandatit të FISNUA-s ngrenë dyshime të konsiderueshme në lidhje me mbështetjen e vazhdueshme të SHBA-së për mandatin e FISNUA-s, përveç nëse Sudani dhe Sudani i Jugut tregojnë përparim të prekshëm dhe të menjëhershëm”, theksoi ai.

Ambasadori amerikan vendosi “kushte” në lidhje me tërheqjen e të gjitha forcave të armatosura që nuk kanë marrë leje për të qenë në Abyei, krijimin e një shërbimi të përbashkët policor dhe lehtësimin e zbatimit të mandatit të helmetave blu.

“Sudani dhe Sudani i Jugut tani duhet t’u përmbahen angazhimeve të tyre ndaj marrëveshjes së paqes të vitit 2011 dhe mandatit të FISNUA-s për të garantuar mbështetjen e SHBA-së për rinovimin” e mandatit të misionit, theksoi ai.

LEXONI GJITHASHTU:

• Prokurori i Madridit në gjyq, akuzohet për rrjedhje informacioni të klasifikuar
• Gjykata e Zvicrës mbështet dënimin e 4 personave që ngritën pankartën: Vrit Erdogan