Vetëm disa javë para ditës së zgjedhjeve presidenciale në Shtetet e Bashkuara, siguria kufitare vazhdon të jetë një temë kryesore debate.
Në Arizona, kufiri mes Shteteve të Bashkuara dhe Meksikës kalon përmes shkretëtirës Sonoran, një ambient i rrezikshëm për emigrantët.
Martin Whelan, një agjent i Patrullës Kufitare, shpjegon se “pengesa e parë është terreni, sidomos në Tucson, që është shumë i vështirë. Nxehtësia rrit rreziqet e udhëtimit.”
Whelan thekson se sfidë për emigrantët është muri kufitar, por gjithashtu përdoren teknologji si kamerat dhe sensorët për të ndihmuar në kapjen e atyre që kalojnë kufirin.
Pavarësisht këtyre masave, një numër rekord emigrantësh kaluan kufirin jugor në vitin 2023.
Robert Ortiz, një tjetër agjent i Patrullës Kufitare, thotë se pas njoftimit zyrtar, shifrat e kalimeve kanë rënë, duke iu referuar një urdhri ekzekutiv të Presidentit Joe Biden që ashpërsoi kufizimet për emigrantët dhe azilkërkuesit.
“Ky urdhër na ndihmon në largimin e tyre dhe përshpejton shumë procese,” thotë Ortiz.
Patrulla Kufitare raporton se në zonën e Nogales kanë kaluar njerëz nga mbi 150 vende të ndryshme, me një rënie të emigrantëve nga vendet afrikane dhe aziatike.
Ortiz shpjegon se mesazhet mbi pasojat e kalimeve të paligjshme kanë ndikuar në këtë rënie.
Ndërkohë, Patrulla Kufitare do të vazhdojë përpjekjet për të parandaluar kalimet e paligjshme kufitare, ndërsa emigracioni mbetet një nga çështjet kryesore në prag të zgjedhjeve presidenciale.
LEXONI GJITHASHTU:
- E ngarkuara me punë e SHBA në Shqipëri, vizitë në SPAK
- SHBA lidh anëtarësimin e Kosovës në Partneritetin për Paqe, me përparimin në dialog
