Kryeministri Edi Rama në një deklaratë për mediat pas mbledhjes me drejtuesit e PS në qarqe mohoi çdo lloj lidhjeje mes tij dhe çështjes së hetuar nga Departamenti i Drejtësisë në SHBA për ish-zyrtarin e FBI.
I pyetur nga gazetarja e Euronews Albania, Eksiola Shehu, Rama i cilësoi zhurmë akuzat ndaj tij, teksa theksoi se kjo çështje është hetuar nga drejtësia amerikane, e cila sipas kryeministrit, nëse do të kishte hetim ndaj tij do të kishte folur.
“Kjo është një çështje e hetuar nga drejtësia amerikane, që nuk nxjerr vendime për vrasje pa autor apo vrasje nga pakujdesia kur vrasjet bëhen nga dritaret e institucioneve shtetërore dhe nuk ia përton askujt. Në rastin konkret, ka zero akuzë dhe zero lidhje mes çështjes që diskutohet dhe meje apo qeverisë shqiptare”, tha Rama.
LEXONI GJITHASHTU:
- Shehaj: Çmenduri, posti i madh që do merrte nga Rama ish-zyrtari i arrestuar i FBI
- Ekskluzive | Euronews Albania siguron materialin hetimor për ish-agjentin e FBI-së
