1 milionë fuçi naftë në ditë në treg, masat e SHBA-së ndaj krizës

Shtetet e Bashkuara të Amerikës nxjerrin në treg sasinë më të madhe të rezervave të naftës, në përpjekje për të mbajtur nën kontroll rritjen e çmimeve.

Duke nisur nga 1 maji për të paktën 6 muaj, SHBA do të nxjerrë në treg 1 milionë fuçi naftë në ditë.

Kjo strategji është një mënyrë për të rritur furnizimet, e do të shërbejë si një urë derisa kompanitë e naftës të rrisin prodhimin.

Biden akuzoi kompanitë amerikane të naftës se po përfitojnë fitime rekord, ndërsa amerikanët po paguajnë çmime të larta për benzinën.

Çmimet e naftës ranë me rreth 5% pas raportimeve se SHBA po fut në treg rezervat e saj  ndërsa OPEC+, një grup prodhimi duke përfshirë Arabinë Saudite dhe Rusinë u përfshinë në një marrëveshje modeste për të rritur ngadalë prodhimin.

Por lirimi i rezervave shtesë nuk ka gjasa kompensojë  furnizimet e humbura nga Rusia, që është eksportuesi i dytë më i madh i naftës në botë pas Arabisë Saudite.

LEXONI GJITHASHTU:

• Bie ndjeshëm çmimi i naftës, SHBA fut në treg rezervat
• Ulet çmimi i naftës, 1 litër kushton 231 lekë