SHBA sanksionon një sllovak, tentoi t’i shiste Rusisë armë të Koresë së Veriut

Shtetet e Bashkuara të Amerikës njoftuan sot se kanë vendosur sanksione ndaj një shtetasi sllovak pasi u përpoq të kontraktonte shitjen e dhjetëra llojeve të armëve dhe municioneve të Koresë së Veriut në Rusi.

Departamenti amerikan i Thesarit vendosi sanksione ndaj sllovakut Ashot Mkrtichev për “përpjekje për të importuar, eksportuar ose rieksportuar nga Koreja e Veriut armë ose materiale të ngjashme”, raportoi Reuters.

“Rusia ka humbur më shumë se 9 000 pajisje të rënda ushtarake që nga fillimi i luftës, pjesërisht falë sanksioneve shumëpalëshe dhe kontrolleve të eksportit, kështu që presidenti rus Vladimir Putin është gjithnjë e më i dëshpëruar për t’i zëvendësuar ato”, tha Sekretarja e Thesarit amerikan, Janet Yellen.

Ajo vuri në dukje se skemat si ajo e kryer nga Mkrtichev tregojnë se Putini “domosdoshmërisht po i drejtohet furnizuesve si Irani dhe Koreja e Veriut”.

Midis fundit të vitit 2022 dhe fillimit të vitit 2023, Mkrtichev punoi me zyrtarë të Koresë së Veriut për të blerë dhjetëra armë dhe municione për Rusinë në këmbim të materialeve, avionëve komercialë, lëndëve të para dhe mallrave që do të dërgoheshin në Korenë e Veriut.

LEXONI GJITHASHTU:

• SHBA sanksionon një sllovak, tentoi t’i shiste Rusisë armë të Koresë së Veriut
• Haradinaj pritet të bëhet president i Kosovës? Eksperti zbulon planin e SHBA-së