SHBA shkatërron një anije droge venezueliane, Trump: Kërcënim për sigurinë kombëtare

Presidenti i Shteteve të Bashkuara, Donald Trump, ka deklaruar se ushtria amerikane ka shkatërruar një anije të dyshuar venezueliane që po udhëtonte në ujërat ndërkombëtare drejt SHBA-së.

Në një deklaratë të bërë të hënën, Trump tha se gjatë sulmit u vranë tre persona, të cilët ai i përshkroi si pjesëtarë të “karteleve të dhunshme të trafikimit të drogës”. Megjithatë, ai nuk paraqiti prova se anija në fjalë transportonte lëndë narkotike.

Ky veprim vjen në një periudhë tensionesh të shtuara mes Shteteve të Bashkuara dhe Venezuelës. Presidenti venezuelian Nicolás Maduro reagoi ashpër, duke paralajmëruar se Karakasi do të mbrohej kundër çdo “agresioni amerikan”. Ai e akuzoi diplomatin e njohur amerikan, Marco Rubio, duke e quajtur “zotin e vdekjes dhe luftës”.

Tensionet u përshkallëzuan ndjeshëm pas vendosjes së anijeve luftarake amerikane në Karaibet jugore, në kuadër të asaj që zyrtarët amerikanë e quajtën një operacion kundër narkotikëve. Ky operacion kishte shkaktuar më herët vdekjen e 11 personave.

“Këtë mëngjes, me urdhërin tim, forcat ushtarake amerikane kryen një sulm të dytë kinetik kundër karteleve të identifikuara si jashtëzakonisht të dhunshme të trafikimit të drogës dhe narkoterroristëve,” shkroi Trump në rrjetin Truth Social.

LEXONI GJITHASHTU:

• Izraeli përshkallëzon bombardimet, ministri i mbrojtjes: Gaza po digjet
• Gazetarja e ‘Washington Post’ pushohet nga puna pas deklaratave për Charlie Kirk