SHBA| Uragani Helene “nervozon” grerëzat, mjekët të shqetësuar nga pickimet e tyre

Përveç shkatërrimit të shtëpive, shiu dhe përmbytjet kanë dëmtuar foletë e grerëzave dhe bletëve.

Kërkimet për të mbijetuar pas stuhisë më të rëndë që ka goditur SHBA-në që nga Uragani Katrina, kanë hyrë në javën e dytë.

Të paktën 215 njerëz kanë humbur jetën, ndërsa komunitetet nga Bregu i Gjirit deri në Malet Appalachian po përpiqen të rikuperohen.

Summer Tonizzo nga Departamenti i Shëndetit dhe Shërbimeve Njerëzore të Karolinës së Veriut, po punojnë për të siguruar medikamente si Benadryl dhe EpiPens për ata që mund të preken nga pickimet.

Ajo theksoi se është normale që grerëzat të jenë më agresive pas një uragani.

Infermierja Tarren Pruitt nga West Jefferson, Karolina e Veriut, ka vënë re një rritje të numrit të grerëzave dhe raporte për punëtorët që janë pickuar pas uraganit.

Chris Hayes nga Universiteti Shtetëror i Karolinës së Veriut sqaroi se grerëzat priren të bëhen më agresive në këtë periudhë të vitit, duke u përballur me kushte të vështira për mbijetesë.

LEXONI GJITHASHTU:

• Do përdor pa ngurim armët bërthamore, Kim Yong Un kërcënon SHBA dhe Korenë e Jugut
• Më vidhnin kolegët- Ahmeti: Policia fole grerëzash”, shefat presion për lekë