English

Kanadaja vendos sanksione ndaj shefave të sigurisë së Iranit

KOMENTE

SHPERNDAJE
ARTIKULLIN

Text sizeAa Aa

Kanadaja ka vendosur sanksione të reja ndaj disa zyrtarëve të lartë të sigurisë në Iran, duke i akuzuar ata për shkelje të të drejtave të njeriut.

- Advertisement -

Ministrja e Jashtme kanadeze, Melanie Joly tha se sanksionet janë në përgjigje “të shkeljeve të rënda të të drejtave të njeriut” që janë kryer në Iran dhe veprimeve të kryera nga policia e moralit, që çuan në vdekjen e Mahsa Aminit, 22 vjeçe, shkruan REL.

“Irani ka vazhduar të kryejë shkelje të rënda të ligjit ndërkombëtar, shkelje që janë të dokumentuara, përfshirë edhe shpërfilljen ndaj jetës së njerëzve”, u shpreh ajo.

Në listën e sanksioneve janë përfshirë 25 individë dhe nëntë entitete, përfshirë zyrtarë të Gardës Revolucionare të Republikës Islamike dhe të Ministrisë së Inteligjencës dhe Sigurisë të Iranit.

Amini ishte arrestuar nga policia e moralit, për shkak të pretendimeve se kishte shkelur rregullat e veshjes së hixhabit.

Autoritetet thanë se Amini vdiq nga një sulm në zemër më 16 shtator, por familja e saj dhe shumë iranianë hedhin poshtë këto pretendime, duke thënë se ajo vdiq pasi u rrah nga policia.

Vdekja e Aminit ka nxitur një valë protestash ditore në mbarë Iranin.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?