Shefi i Emergjencave Civile nga Lezha: Nuk ka vend për alarm situata nën kontroll

Shefi i emergjencave civile Haki Çako nga Lezha në një intervistë për Euronews Albania, ka folur në lidhje me situatën për shkak të reshjeve.

Ai tha se nuk kemi të bëjmë me një situatë të jashtëzakonshme ndërsa shtoi se të gjitha strukturat përkatëse janë vënë në punë për të kontrolluar situatën.

Ndër të tjera ai theksoi se po monitorojnë kaskadën e Drinit, Fierzës, Komanit dhe Vaut të Dejës.

“Është një situatë e ngarkuar që ka ardhur orët e fundit për shkak të intensitetit të lartë t prurjeve.

Pothuajse të gjitha strukturat janë në krye të detyrës, janë prefekti, kryetari i emergjencave civile, forcat e armatosura dhe qytetarët që janë në dispozicion. Shpresojmë që tërheqja e lumit të përmirësoj situatën.

Ka një mobilizim në shumë vende. Nuk është një situatë e jashtëzakonshme sepse jemi në stinën e dimrit dhe kjo javë ka qenë e parashikuar se do të ketë reshje. Deri më tani situate parashikohet e kontrollueshme. Kemi një ndjekje intensive të situatës. Është duke u monitoruar kaskada e Drinit, Fierzës, Komanit dhe Vau i Dejës”- tha ai.

LEXONI GJITHASHTU: 

• Lezha nën ujë, habit qytetari: Dola të blej cigare, jam munduar të marr një gomone
• Zaracin: Serbia nuk mund të anëtarësohet në BE pa e njohur Kosovën
• Përmbytjet në Lezhë| Pjerin Ndreu: 5 familje janë evakuuar, disa banesa nën ujë