Shembet sërish segmenti në Arrat e Gurrës, largohen punëtorët, ndalohet kalimi i këmbësorëve

Segmenti i bllokuar në zonën e Arrat e Gurrës, në fshatin Dragostunjë të Librazhdit, që pritej të hapej sot në mesditë pas ndërhyrjes me by-pass dhe aktivizimit të një rruge dytësore, është dëmtuar sërish.

Agjencia Kombëtare e Mbrojtjes Civile bëri me dije përmes një njoftimi se, rruga dytësore e hapur për kalim provizor ka pësuar fundosje dhe rrëshqitje toke, duke dëmtuar punimet e kryera dhe duke e bërë segmentin aktualisht të pakalueshëm.

“Për arsye sigurie janë tërhequr mjetet e firmës zbatuese dhe është ndaluar qarkullimi i mjeteve dhe këmbësorëve.

Strukturat shtetërore do të kryejnë një rivlerësim urgjent gjeologjik dhe teknik, pasi terreni paraqitet i paqëndrueshëm dhe sfidues për ndërhyrje”, bëhet me dije në njoftim.

Një ditë më parë kreu i ARRSH, Ami Kozeli tha se rruga do të hapej mesditën e së hënës.