Shenjat e plumbave dhe tufa me lule, pamje nga salla ku u vra gjyqtari Kalaja
Gazetarja e Euronews Albania, Sara Demushi, ishte këtë të martë në ambientet e Gjykatës së Apelit në Tiranë, ku ditën e djeshme u vra në sallën e gjyqit gjyqtari Astrit Kalaja.
Ngjarja ndodhi në sallën numër tre, ku Elvis Shkambi ekzekutoi me tre plumba gjyqtarin Kalaja, menjëherë pas shpalljes së vendimit që ishte kundër familjes Shkambi.
Në pamje duket një sallë e vogël, e pajisur me kamera që regjistrojnë në mënyrë audio dhe vizive çdo lëvizje. Një nga shenjat e plumbave ndodhet në kompjuterin e sekretarës, një tjetër në tryezën e trupës gjykuese, ndërsa një e tretë është në kolltukun e një prej gjyqtarëve.
Në tavolinën e trupës gjykuese është vendosur një tufë me lule në nderim të të ndjerit.
Gazetarja Demushi tregoi edhe se si ishin vendosur palët në sallë, duke theksuar se distanca mes tyre dhe trupës gjykuese ishte shumë e afërt.
Kujtojmë se gjyqtari Astrit Kalaja u vra të hënën gjatë seancës së gjyqit, ndërsa policia ka arrestuar autorin e dyshuar, Elvis Shkambi, xhaxhain e tij, Gjon Shkambi, si dhe një prej rojeve të sigurisë së gjykatës.
LEXONI GJITHASHTU:
Kryefaqja
Moti i keq, aksident në hyrje të tunelit të Skërficës
Rrufeja shkakton zjarr në Dropull, era e fortë rrëzon pemë dhe bllokon rrugën
Aktivisti Goci: Një agjent nuk del me fytyrë të kërkojë dorëheqjen e kryeministrit
- 22:32 Moti i keq, aksident në hyrje të tunelit të Skërficës
- 22:28 Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
- 22:25 “5 kërkesat nuk mjaftojnë për Shqipërinë e Re”, Manjani: Nuk është zgjidhje, jep dorëheqjen ti të vij unë
- 22:12 “PD të mos flasë në emër të protestës”, Malaj: Partitë politike janë të fundit që duhet të flasin
- 21:58 Rrufeja shkakton zjarr në Dropull, era e fortë rrëzon pemë dhe bllokon rrugën
- 21:57 Aktivisti Goci: Një agjent nuk del me fytyrë të kërkojë dorëheqjen e kryeministrit