Sherr masiv mes 9 personave në një berberhane në Vlorë

Ditën e sotme ka ndodhur një sherr mes disa personave në qytetin e Vlorës.

Sipas burimeve nga Policia, bëhet e ditur se 4 shtetas të moshave 18 dhe 19-vjeç janë përleshur me 5 shtetas të mitur.

Shërbimet e Policisë kanë shkuar menjëherë në vendngjarje dhe kanë shoqëruar të gjithë këtë shtetas për veprime të mëtejshme.

Policia e Vlorës dha detaje për ngjarjen e ndodhur në një berberhane të qytetit pasditen e sotme, ku disa të rinj u përleshën midis tyre. Të paktën katër shtetas përkatësisht 18 dhe 19 vjeçarë janë përleshur me 5 shtetas të mitur.

“Rreth orës 14:50, në lagjen “1 Maji”, në rrugë, dyshohet se për motive të dobëta, janë konfliktuar fizikisht me njëri-tjetrin, shtetasit K. C., 19 vjeç, F. Sh., 19 vjeç, D. I., 18 vjeç, G. C., 18 vjeç me 5 shtetas të mitur, të moshave 14-16 vjeç.  Shërbimet e Policisë kanë shkuar menjëherë në vendngjarje dhe i kanë shoqëruar të gjitha këta shtetas, në Komisariatin e Policisë Vlorë, për veprime të mëtejshme”, thuhet në njoftimin e Policisë.

LEXONI GJITHASHTU:

• EMRAT| Kush janë tre të arrestuarit në Vlorë nga operacioni ndërkombëtar anti-drogë
• Operacion i përbashkët antidrogë Shqipëri, Itali, Gjermani, 3 të arrestuar në Vlorë