Një 18-vjeçar është arrestuar nga policia e Dibrës, pasi gjatë konfliktit me një bashkëmoshatar në qytetin e Peshkopisë, e ka qëlluar këtë të fundit me thikë.
I plagosuri është dërguar me urgjencë në spital, ku po merr kujdesin e nevojshëm mjekësor, jashtë rrezikut për jetën. Ndërkohë që policia ka bërë të mundur arrestimin e autorit, shtetasit Orgest Hidri.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
“Shërbimet e Komisariatit të Policisë Dibër, në bashkëpunim me Forcën e Posaçme “Shqiponja”, menjëherë pas marrjes së informacionit se në lagjen “Kamen”, në qytetin e Peshkopisë, po ndodhte një konflikt mes dy të rinjve, menjëherë kanë shkuar në adresën e dhënë.
Si rezultat i reagimit të menjëhershëm dhe hetimeve të kryera, u bë arrestimi në flagrancë i shtetasit O.H., 18 vjeç, banues në Peshkopi.
Ky shtetas pas një konflikti për motive të dobëta, është konfliktuar fizikisht dhe ka dëmtuar me mjet prerës (thikë), shtetasin F.K., 18 vjeç, banues në Peshkopi”, thuhet në njoftimin e policisë.
LEXONI GJITHASHTU:
- Avokati i Martin Canit: Policia ka pamje nga vrasja e tij, do kërkoj t’i marr
- Me foton e të birit në duar, i ati i Martin Canit merr pjesë në protestë
