Sherr në Himarë, 27-vjeçari qëllon me thikë kunatin, arrestohet

Policia e Himarës ka vënë në pranga një person të akuzuar për plagosje të rëndë me dashje. 27-vjeçari akuzohet se ka qëlluar me thikë kunatin e tij pas një sherri.

I arrestuar është shtetasi Dionis Hysenaj 27 vjeç banues në Himarë, i cili akuzohet për veprën penale “Plagosja e rëndë me dashje”.

Ky shtetas dyshohet se mbrëmjen e djeshme, gjatë konfliktit për motive të dobëta, me bashkëshortin e motrës së tij, shtetasin S. Q., 37 vjeç, banues në Librazhd, e ka goditur atë me mjet prerës (thikë). I dëmtuari ndodhet në spital, jashtë rrezikut për jetën.

Ngjarja ka ndodhur në ambientet e një lokali, ku policia mori njoftim për një konflikt mes dy personave dhe shkoi menjëherë në vendngjarje.

Njoftimi i policisë

Goditi me mjet prerës (thikë), kunatin e tij, gjatë një konflikti për motive të dobëta, kapet në flagrancë dhe arrestohet 27-vjeçari.

Shërbimet e Komisariatit të Policisë Himarë, mbrëmjen e djeshme, pas njoftimit se në ambientet e jashtme të një lokali po konfliktoheshin dy shtetas, kanë ndërhyrë menjëherë për të parandaluar përshkallëzimin e konfliktit. Si rezultat i veprimeve të shpejta të kryera në bashkëpunim me Seksionin për Hetimin e Krimeve ndaj Personit të DVP Vlorë, u kap dhe u vu në pranga shtetasi:

D. H., 27 vjeç, banues në Himarë, për veprën penale “Plagosja e rëndë me dashje”.

Ky shtetas dyshohet se mbrëmjen e djeshme, gjatë konfliktit për motive të dobëta, me bashkëshortin e motrës së tij, shtetasin S. Q., 37 vjeç, banues në Librazhd, e ka goditur atë me mjet prerës (thikë). I dëmtuari ndodhet në spital, jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Durrës, 32-vjeçari plagoset me thikë nga dy vëllezër, policia ndalon autorët
• GJKKO kalon për gjykim ish-kryebashkiakun e Himarës Jorgo Goro