Një plagosje ka ndodhur sot pas një konflikti të çastit në lagjen nr. 4 të Durrësit ku dyshohet se dy vëllezër kanë goditur me thikë 32-vjeçarin Gentjan Bajrami. Burimet për gazetaren e Euronews Albania thonë se autorët  e dyshuar të kësaj ngjarje janë vëllezërit Eno dhe Ivo Gega. Policia ka bërë të mundur ndalimin e tyre dhe i ka shoqëruar në komisariat për sqarimin e rrethanave të ngjarjes ndërsa i plagosuri është dërguar në spitalin e qytetit.

Njoftimi i policisë

Plagosën me mjet prerës (thikë) një 32-vjeçar, dyshohet pas një konflikti të çastit, ndërhyrja e menjëherëshme e shërbimeve të Policisë, bëri të mundur kapjen dhe shoqërimin e autorëve të dyshuar.

Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç.

Ndërhyrja e menjëherëshme e shërbimeve të Policisë, bëri të mundur kapjen dhe shoqërimin në Komisariat, të dy vëllezërve për veprime të mëtejshme procedurale.

32-vjeçari është transportuar në spitalin e Durrësit, ku po merr ndihmë mjekësore dhe ndodhet jashtë rrezikut për jetën.

Grupi hetimor nën drejtimin e Prokurorisë po punon për sqarimin e plotë të rrethanave të rastit.

LEXONI GJITHASHTU:

• Arrestohet ish-drejtori i kadastrës në Durrës, në kërkim 2 zyrtarë
• Akuzohet për plagosje me armë në Durrës, ekstradohet nga Frankfurti 25-vjeçari