Shezai Rrokaj: Abetarja e përbashkët, përvojë e 20 abetareve europiane

Bashkëautori i Abetares së përbashkët Shezai Rrokaj tha se libri ku ai ka kontribuar është përvojë e mbi 20 Abetareve europiane.

Profesori deklaroi për “Mirëmëngjes” në Euronews Albania se për realizimin e Abetares janë marrë në konsideratë shumë elementë, ndër to dhe ana psikologjike e fëmijëve, ndërsa janë përdorur metoda të cilat përdoren kryesisht në Europë, kryesisht ato italiane, franceze dhe anglo-saksone.

Para se të zgjidhej një Abetare e përbashkët kanë qenë 19 të tilla, ndërsa në total numërohen 170, bëri me dije Rrokaj.

“Kjo abetare për herë të parë ruajti modelin më të mirë të natyrës së gjuhës shqipe që midis shkrimit dhe shqiptimit gjuha shqipe ka pak dallime,” tha profesori.

Islam Krasniqi, bashkëautor i Abetares së përbashkët theksoi gjithashtu se ishte i bindur se një Abetare e unifikuar shënon përafrim edhe të strukturës së sistemit të arsimit në Shqipëri dhe Kosovë.

LEXONI GJITHASHTU:

• Shtëpitë botuese të bashkëpunojnë për Abetaren e përbashkët, thotë profesor Rrokaj
• Abetarja e përbashkët Shqipëri-Kosovë, një hap para në 10 vite pas
• Ministrja e Arsimit: Të gjithë nxënësit e klasës së parë do të kenë të njëjtin tekst të Abetares