Në Teatrin Kombëtar Eksperimental u zhvillua konferenca për shtyp e shfaqjes “Amerikan”.

Përfaqësues të kastit të shfaqjes ndanë detae të fabulës së shfaqjes, duke zbuluar një lidhje të mrekullueshme mes saj dhe realitetit tonë të përditshëm.

Regjisorja Ina Morinaj ftoi të pranishmit të bashkohen në një përvojë të jashtëzakonshme, duke theksuar se në këtë shfaqje, çdo person mund të ndjehej i lidhur me ngjarjet, pasi realiteti është përfaqësuar me autenticitet.

Aktorët treguan se si shfaqja shpalos humbjen e vlerave të jetës, një temë që reflekton realitetin aktual ku çdo ditë ballafaqohemi me dilema etike dhe morale. Nga mungesa e ndjeshmërisë ndaj çështjeve të rëndësishme deri te aktet e dhunës, shfaqja jep një analizë thelluese të komplikimeve të jetës së përditshme.

“Amerikan” është një komedi e zezë e pasur me surpriza dhe kthesa të papritura, e cila reflekton situatat komplekse dhe marrëdhënien e tre personazheve kryesorë të luajtur nga Ledion Zoi, Linda Jarani dhe Lulzim Zeqja.

Me një kombinim të shkëlqyer të talentit aktorial dhe regjisorial, “Amerikan” premton të bëhej një prej shfaqjeve më të mira të sezonit teatror.

Shfaqja që do të mbahet në Teatrin Kombëtar Eksperimental në datat 3, 4, 5, 6 dhe 7 prill.

LEXONI GJITHASHTU:

• Komedia “zërat pas skene”/ Shfaqja premierë në teatrin “Skampa” elektrizon Elbasanin
• Shfaqja “dy dhurata”/ Fëmijët artistë në Gjirokastër duartrokiten nga publiku