Shfrytëzuan hapësirat publike, sekuestrohen 37 çadra në Himarë, 3 persona në hetim

Ka nisur ditën e sotme operacioni policor i koduar “Plazh i lirë”, me qëllim lirimin e hapësirave publike në plazhe.

Operacioini ka nisur nga Dhërmiu dhe gjatë ditës së parë të këtij operacioni, u konstatuan 3 raste të pushtimit të hapësirave publike për t’i shfrytëzuar me qëllim fitimin.

Gjatë operacionit u sekuestruan 37 çadra dhe 68 shezlongë.

Ndërkohë policia ka nisur hetimin për:

-R. I., banues në Tiranë, pasi kishte vendosur pa autorizimin përkatës, 15 çadra dhe 30 shezlongë;

-L. C., banuese ne Tirane, pasi kishte vendosur pa autorizimin përkatës, 12 çadra dhe 24 shezlongë;

-E. A., banues në Tiranë, pasi kishte vendosur pa autorizimin përkatës, 10 çadra dhe 14 shezlongë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprat penale “Pushtimi i tokës”, “Mospagimi i taksave dhe i tatimeve” dhe “Ushtrimi i aktivitetit tregtar i paregjistruar”.

LEXONI GJITHASHTU: 

• Presidentes Osmani i kërkohet që të mos e nënshkruajë Ligjin për Pagën Minimale
• SHBA/ Policia qëllon të burgosurit që tentuan të arratisen, 1 i vdekur