Shifrat/ Rritet kredia në euro, dominojnë kërkesat nga bizneset

7 Mars 2025 | 17:53

Kredia në euro shënoi një rritje të dukshme vitin e kaluar. Bizneset dominuan kërkesën për valutë të huaj, ndërkohë që konsumatorët konvertuan kreditë e tyre nga euro në lek për shkak të kursit të këmbimit dhe normës së interesit.

Banka e Shqipërisë ka dhënë 153.7 miliardë lekë kredi në euro gjatë vitit të kaluar, duke shënuar një rritje prej 13.7% krahasuar me vitin 2023.

Megjithatë, për shkak të rënies së kursit të këmbimit euro-lek prej 7.4%, rritja reale e kredisë për huamarrësit ishte 21%.

Kërkesa për kredi në euro erdhi kryesisht nga bizneset, të cilat u përfituan nga normat e ulëta të interesit.

Ndërkohë, individët privatë morën më pak kredi, me një ulje të kërkesës prej 20.4 miliardë lekësh ose 16.6%.

Rënia e vlerës së euros nxiti qytetarët të konvertonin kreditë ekzistuese nga euro në lek, për të shlyer borxhet më lirë.

Për më tepër, norma e interesit për kredi në lek ishte më e favorshme se ajo në euro, duke e përforcuar këtë tendencë.

Vitin e kaluar, Banka Qendrore Evropiane uli për herë të parë pas dy vitesh normën e interesit, duke sjellë një rënie të kostos së huamarrjes në euro.

Ky trend vijon edhe tani, pasi së fundmi interesi u ul me 0.25%, dhe sipas analistëve, pritet që të ketë ulje të mëtejshme, duke nxitur më shumë kërkesën për kredi në euro.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Përkeqësimi i ekonomisë, biznesi u rrit vetëm me 1.1% në vitin 2025

Ndonëse ekonomia u rrit me 3.9% në vitin 2025, sipas të dhënave paraprake të INSTAT, rreth 72% të kontributit në këtë rritje e kanë sjellë...
15:43 | 24/06/2026

Prodhimi bujqësor arrin në 9,7 milionë tonë, shtohen perimet, bien drithërat dhe frutat 

Fermerët shqiptarë kanë prodhuar rreth 9,7 milionë ton produkte bujqësore gjatë vitit 2025. Sipas INSTAT, perimet udhëhoqën prodhimin, me 1.4 milionë tonë, me rritje vjetore...
15:37 | 24/06/2026

Tregu i punës në 2025, papunësia zbret në 8.4%, paga mesatare 84 mijë lekë

Numri i të punësuarve arriti në 1.17 milionë persona në vitin 2025. Krahasuar me vitin parardhës, numri i tyre ka pësuar një rënie të lehtë...
19:51 | 23/06/2026