Banka e Shqipërisë: Kreditë janë bërë më të lira për bizneset dhe qytetarët

Vendimet e fundit të Bankës së Shqipërisë, me prirjen për të ulur normën bazë të interesit, i kanë bërë kreditë më të lira.

Efektet për uljen e vlerës së tyre, janë ndjerë tek qytetarët dhe bizneset që  në fund të vitit që lamë pas, ndërsa trendi në vazhdim është për ulje të mëtejshme të normës bazë. BSH shkruan në raportin për tremujorin e katërt të vitit 2024, se interesi i kredisë hipotekare për individë rezultoi 3.7%.

Ndërsa interesi mesatar për kredinë e re në Lek dhënë biznesit në këtë tremujor ishte 6.4%, me ulje 0.2% që nga fillimi i vitit.

Por, ulja e normave të interesit është reflektuar edhe te depozitat. Interesi mesatar i depozitave në Lek rezultoi 1.9%, nga 2.2% që ishte në fillim të vitit. Edhe interesi për depozitat në Euro ra në 1.1% në tremujorin e katërt, nga 1.4% që ishte në dy tremujorët paraardhës.

LEXONI GJITHASHTU:

• Shqiptarët vlerësojnë pozitivisht gjendjen ekonomike, analisti: Ja çfarë ndikon
• Eksperti i ekonomisë: Sazani mund të kthehet në një mini-Singapor