Shqiptarët vlerësojnë pozitivisht gjendjen ekonomike, analisti: Ja çfarë ndikon

Analisti Arion Sulo ishte këtë të mërkurë në “Barometri” në Euronews Albania ku ka komentuar rreth sondazheve të realizuara nga Barometri dhe Datacentrum.

Sipas gjetjeve 43.1 për qind e shqiptarëve e kanë vlerësuar situatën ekonomike në familjet e tyre me shumë mirë (6.6% e tyre) dhe disi mirë (36.5% e tyre) ndërkohë që 40.3 % e të pyeturve e kanë vlerësuar situatën ekonomike në vend me disi keq dhe shumë keq.

Analisti Sulo tha se i bën përshtypje që shqiptarët janë shumë mirë ekonomikisht sipas të dhënave.

“Unë për këtë kam mendimin tim që në Shqipëri janë futur shumë lekë. Tre katër vitet e fundit në Shqipëri mund të jenë futur shumë lekë me anë të pastrimit të parave, se unë nuk shikojë një mënyrë tjetër që pas luftës në Ukrainë, pas krizës së çmimeve, pas krizës së naftës, Shqipëria është me çmime thuajse sa gjysma e BE-së, pagat janë rritur vetëm në shtet, duket sikur ka një kontradiktë”,-tha Sulo.

LEXONI GJITHASHTU:

• Në ç’gjendje janë shqiptarët 96 ditë përpara zgjedhjeve. Barometri zbulon shifrat
• Cilat janë problemet kryesore të shqiptarëve para zgjedhjeve. Gjetjet e Barometrit