600 fëmijë talasemikë në Shqipëri, ende ndërgjegjësim i ulët për dhurime gjaku

600 fëmijë talasemikë në Shqipëri kanë nevojë për gjak thuajse cdo javë, ndërsa numri i dhurimeve është thuajse në shifra të njëjta me vitin e kaluar.

Nevojës së tyre permanente për gjak u përgjigjen familjarët si vullnetarë, në raste kur ata nuk vuajnë nga talasemia, pasi ende fushatat  nuk arrijnë të grumbullojnë dhurime në rang kombëtar, ndonëse grupet janë thuajse cdo ditë në terren.

Burime pranë qendrës kombëtare të transfusionit të gjakut e ngrejnë këtë shqetësim dhe thonë se në 10 ditë një fëmijë me talasemi, ka nevojë për 2 njësi gjak.

 “Fëmijët talasemikë janë rreth 600 dhe kanë shumë nevojë për gjak. Mesatarishtmarrin 2 qese çdo 10 ditë. Familajrët e tyre nuk dhurojnë dot. Gjaku që marrim nga vullnetarët shkon për fëmijët talasemikë”.

 Sa i përket kategorizimit, dhurimet familjare mbajnë peshën kryesore ndërsa ato vullnetare mbeten ende në shkallë të ulët ndërgjegjësimi.

“Ne bazohemi te dhurimet familjare e vullnetare. Dhurimet familjare janë më tepër sepse sipas skedës kirurgjikale që ekziston për spitalin nuk hyn asnjë pacient në operacion pa dhuruar gjak një pjesëtar i familjes”, thanë burime për Euronews Albania

Bluzat e bardha bëjnë apel për dhurime vullnetare të gjakut.