Shija e traditës shqiptare dhe gatimeve italiane

Kronika në vijim na njeh me historinë e një familje që prej vitesh ka ruajtur traditën e gatimit, duke e ndërthurur me recetat e vendeve të tjera të Mesdheut.

Bar Restorant “Mali” ndodhet në Rrugën Vorë–Fushë-Krujë, km 2. Aty do të gjeni një kombinim të mrekullueshëm të kuzhinës tradicionale shqiptare me recetat italiane. Pasioni për kuzhinën është një trashëgimi familjare, që ka kaluar nga babai te djali, duke ruajtur dashurinë për gatimin dhe mikpritjen. Çdo pjatë përgatitet me kujdes, dashuri dhe me produkte të freskëta, nën drejtimin e shefit të kuzhinës.

“Sot do të përgatisim tagliata viçi dhe involtini viçi të mbushura me djathë mocarela dhe arra. E kemi të trashëguar profesionin e kuzhinierit, edhe babai im është kuzhinier, dhe duke punuar në shumë restorante, lindi dëshira që të kemi restorantin tonë dhe të punojmë së bashku. Kanë kaluar katër vite që kur kemi hapur restorantin. Përgatisim si menu italiane, ashtu edhe tradicionale shqiptare. Klientët preferojnë tavën e dheut, mishin e qingjit që e përgatisim në furrë dhe e shërbejmë me tavë dheu dhe patate furre. Kemi gjithashtu edhe ‘Skënderbeun’, një pjatë tradicionale që e mbushim me djathë mocarela dhe arra. Gatimet italiane përfshijnë tagliatën që po përgatisim sot, involtinit, si edhe Fiorentinën, raviolin dhe tortelinin. Mirëpresim çdo ditë klientët tanë dhe organizojmë fejesa, ditëlindje dhe evente të ndryshme familjare.”-tha Mali Topi, kuzhinieri.

Bar Restorant “Mali” është një ndalesë ideale për këdo që kërkon shije të vërteta shqiptare, gatime tradicionale dhe një ambient mikpritës ku ndihesh si në shtëpi.