Shiste doza kanabisi, kapet 21-vjeçari në Tiranë i cili tentoi të arratisej

Policia e Tiranës ka konstatuar ditën e sotme një rast të veprimtarisë kriminale në fushën e narkotikëve. Gjatë hetimit, policia zbuloi shtetasin me iniciale K. K., 21 vjeç, banues në Tiranë, që shiste lëndë narkotike, duke bërë të mundur vënien në pranga të tij.

21-vjeçari, në momentin kur është konstatuar nga punonjësit e Policisë, në rrugën “Albanopoli”, ka hedhur lëndën narkotike në tokë dhe ka tentuar të fshihet në një ambient bilardoje që kishte në përdorim.

Gjatë kontrollit në këtë ambient, shërbimet e Policisë gjetën një sasi lënde të dyshuar narkotike kanabis gati për shitje, një shumë parash që dyshohet se 21-vjeçari e ka përfituar nga kjo veprimtari kriminale, 1 peshore dhe 3 celularë, të gjitha të sekuestruara.

LEXONI GJITHASHTU:

• Flakët në malin e Dukatit jashtë kontrollit, digjen sipërfaqe të mëdha me pisha
• Shpërndante kokainë në qytetin e Vlorës, arrestohet 22-vjeçari