Shkaktoi aksidentin me dy viktima në Borsh, arrestohet 29-vjeçari
Policia ka arrestuar 29-vjeçarin Myfit Qejvani, drejtuesin e foristradës që shkaktoi aksidentin me dy viktima në fshatin turistik ë Borshit.
Sipas policisë, ai u ndalua në flagrancë pasi akuzohet për veprën penale “Shkelja e rregullave të qarkullimit rrugor”.
Nga veprimet hetimore ka rezultuar se ky shtetas, duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, ku kanë gjetur vdekjen e menjëhershme çifti i bashkëshortëve që udhëtonin me furgon, shtetasit Kastriot Mehmeti, 66 vjeç dhe bashkëshortja e tij, Donika Mehmeti Proda, 70 vjeçe.
I dëmtuar mbeti edhe Petrit Kapllanaj, pasagjer në automjetin me Qejvanin, i cili pësoi vetëm dëmtime të lehta dhe ndodhet jashtë rrezikut për jetën. Ai, bashkë me drejtuesin e arrestuar, ndodhen ende në QSUT ku po marrin ndihmën e nevojshme mjekësore.
“Në vijim të veprimeve për dokumentimin e aksidentit të ndodhur më 30.05.2025, në rrugën e Plazhit, Borsh, ku humbën jetën dy shtetas dhe u plagosën dy të tjerë, u arrestua në flagrancë, për veprën penale “Shkelja e rregullave të qarkullimit rrugor”, drejtuesi i automjetit tip “Benz”, shtetasi M. Q., 29 vjeç, banues në Vlorë.
Nga veprimet hetimore ka rezultuar se ky shtetas, duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, që drejtohej nga shtetasi K. M., 66 vjeç, i cili së bashku me pasagjeren D. P., 70 vjeçe, ka humbur jetën në vendngjarje.
Drejtuesi, shtetasi M. Q., dhe pasagjeri në automjetin e tij, shtetasi P. A., 23 vjeç, janë transportuar në QSUT, Tiranë, për ndihmë mjekësore të specializuar”, njofton policia.
LEXONI GJITHASHTU:
Plazhet publike me pagesë, Ministri Gonxhja: Disa janë tarifuar 1 mijë lekë të reja, lidhet me kostot e larta të mirëmbajtjes
Indeksimi i pensioneve, ministrja Ibrahimaj: Nga data 1 korrik, 900 mijë pensionistë përfitojnë nga rritja me 2.7%
Konfederata Evropiane e Sindikatave kërkon ligj që përcakton temperaturën maksimale për të punuar
- 17:42 Dita e 4-t e bisedimeve Izrael-Liban të ndërmjetësuara nga SHBA-të fillon në Uashington
- 17:34 Vala e të nxehtit merr jetë njerëzish në Francë, 55 vdekje të regjistruara në Paris brenda një dite
- 17:30 Një aeroplan i vogël përplaset me gradaçelën më të lartë të Pekinit (VIDEO)
- 17:24 Ish-këshilltari i Trump, John Bolton pranon fajësinë, ruajti në mënyrë të paligjshme informacione të sigurisë kombëtare
- 17:09 Numri i të vdekurve nga tërmetet në Venezuelë rritet në 589
- 17:01 Volkswagen planifikon të shkurtojë deri në 100,000 vende pune dhe ndoshta të mbyllë fabrikat