Shkaktoi zjarrin ku u dogj kullota dhe stalla me bagëti, nën hetim i moshuari

Policia e Sarandës ka nisur hetimin në gjendje të lirë ndaj një të moshuari i cili u bë shkak për zjarri  ku u dogjën u dogjën 3.5 ha kullotë dhe një stallë me bagëti të imta, në Konispol.

Specialistët për Hetimin e Krimeve të Komisariatit të Policisë Sarandë referuan materialet procedurale në Prokurori, për shtetasin F. M., 70 vjeç, banues në fshatin Markat, Konispol.

Nga hetimet paraprake dyshohet se ky shtetas, më datë 26.07.2025, rreth orës 09:00, ka ndezur zjarr me qëllim pastrimin e një pjese toke kullotë në malin e fshatit Markat dhe, si pasojë e përhapjes së flakëve nga era e fortë, është djegur një sipërfaqe prej 3.5 hektarësh me barishte dhe shkurre. Zjarri është përhapur edhe në territorin e banuar të fshatit, ku ka shkaktuar djegien e një stalle me bagëti të imta (10 krerë dele) dhe një koteci me shpendë, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

LEXONI GJITHASHTU:

• Zjarret në jug: Përmirësim në Delvinë, rrezik për banesat në Sasaj e Shën Vasil
• Zjarret e mëdha përfshijnë Europën, BE dërgon në Shqipëri një avion zjarrfikës