Shkarkimi i Veliajt, gazetarja tregon kur mund të jepet vendimi nga Kushtetuesja

Në Gjykatën Kushtetuese do të mbahet sot seanca publike ku do të shqyrtohet ankimi Erion Veliajt ndaj vendimit të qeverisë për shkarkimin nga detyra.

Në seancë do të jetë i pranishëm edhe kryebashkiaku i shkarkuar i Tiranë, i cili u shoqërua nën masa të rrepta sigurie nga paraburgimi i Durrësit, ku ndodhet që prej shkurtit të këtij viti.

Gazetarja Enkelejda Mema tregoi se pas seancës së sotme, që pritet të zgjasë 5-6 orë ku të tria palët; Veliaj si palë ankimuese, Presidenca dhe Qeveria do parashtrojnë qëndrimet e tyre, trupa e Gjykatës Kushtetuese sipas kushtetutës ka aafat deeri në 1 muaj të shqyrtojë parashtrimet dhe të dalë me një vendim.

“Do të jetë në varësi të asaj se sa do të zgjasë seanca e sotme. Është e pamundur që trupa gjyqësore të mblidhet për të dhënë edhe vendimmarrjen ditën e sotme. Provat, qëndrimet, parashtrimet e të tria palëve do të duhet të shqyrtohen mes anëtarëve të GJK. Ligji e parashikon të paktën deri në 1 muaj Gjykata Kushtetuese është në drejtën e saj për të dhënë vendimin. Nuk është e thënë që të zgjasë kaq, mund të jetë edhe më e shpejtë pasi diskutohet vetëm një çështje”, tha gazetarja Enkelejda Mema.

Erion Veliaj ndodhet në arrest me burg që prej 10 shkurtit, nën akuzën e korrupsionit në nëntë raste. Bashkë me të është vënë nën hetim edhe bashkëshortja e tij, Ajola Xoxa. Në total, ndaj ish-kryebashkiakut rëndojnë pesë akuza penale, përfshirë korrupsion, shpërdorim detyre, pastrim parash, mosdeklarim pasurie dhe futje të sendeve të ndaluara në institucionin e vuajtjes së dënimit.

LEXONI GJITHASHTU:

• EMRI/ Kush do të jenë avokatët e Erion Veliaj në Gjykatën Kushtetuese
• Veliaj del nga paraburgimi për pak orë! Përballet në GJK me Presidencën dhe qeverinë