Shkarkohet trajneri Potter, drejtuesit e Chelsea të pakënaqur me trajnerin

Rrugëtimi i Graham Potter në krye të skuadrës së Chelsea është mbyllur pas 7 muajsh. Trajneri 47-vjeçar është shkarkuar nga drejtuesit e klubit për shkak të performancës negative, ndërkohë përballja ndaj Aston Villës ishte shanci i tij i fundit.

Blutë e Londrës u mposhtën në shtëpi me rezultatin 0-2, duke bërë që pronari Ted Boehly së bashku me anëtarët e tjerë të bordit drejtues të vendosnin për fatin e tij.

Graham Potter u emërua si trajner i Chelsea në 8 shtator, ku zëvendësoi Thomas Tuchel, ndërkohë firmosi një kontratë 5-vjeçare.

Në një njoftim në faqen zyrtare, Chelsea falenderon 47-vjeçarin për kontributin e dhënë.

“Chelsea FC ka njoftuar se Graham Potter është larguar nga klubi. Gjatë periudhës së drejtimit të klubit, Graham na ka çuar në çerekfinalen e Champions League, ku do të përballemi me Real Madridin. Chelsea dëshiron të falënderojë atë për të gjitha përpjekjet dhe kontributin e tij”.

Trajneri argjentinas Mauricio Pocchetino shihet si zëvendësuesi i tij në pjesën e mbetur të sezonit.

LEXONI GJITHASHTU:

• Të protestosh i vetëm, 67-vjeçari nga Korça pretendon se i kanë marrë 1300 m/2 tokë
• Trump gati për betejë, ish-presidenti amerikan pritet të përballet me mbi 30 akuza
• I njohur dhe në skenën botërore, ndahet nga jeta regjisori shqiptar