Shkatërrim në Gaza/ 1.4 milionë të zhvendosur nga bombardimet: Nuk e duam luftën

26 Tetor 2023 | 17:58

Intensifikimi i sulmeve izraelite po shkatërron pjesë të Rripit të Gazës, duke vënë në rrezik shpërndarjen e ndihmave.

Ministria e Shëndetësisë e kontrolluar nga Hamas deklaroi se që nga nisja e kundërpërgjigjes së Izraelit për sulmin e 7 tetorit, mbi 6 mijë e 540 palestinezë janë vrarë dhe rreth 17 mijë e 500 janë plagosur. Megjithatë, të dhënat e Hamasit, që vijnë nga drejtuesit e spitaleve, janë të vështira për t’u verifikuar.

Komplekset shëndetësore po bëjnë maksimumin për të mjekuar të plagosurit, por furnizimet me medikamente po përfundojnë. Që prej 7 tetorit, 12 spitale dhe 46 klinika në Gaza janë detyruar të mbyllin dyert.

Ndërkohë, 40 % e strehave në Rripin e Gazës janë shkatërruar.

 “Mu desh të vija këtu me 9 anëtarët e familjes sime me dy makina, për të kërkuar strehë në këtë kamp, për t’u shpëtuar bombave. Qëndrova në qiell të hapur për 10 ditë derisa mora një tendë”,- tha Abu Ibrahim Zaqut, banor i zhvendosur i Gazës.

“Ne nuk e duam luftën, duam që ajo të ndalet. Jemi të lodhur prej saj. Qëndrojmë këtu në radhë të gjata për të marrë ndihma. Nuk kemi as nevojat bazike. Ndihemi si kufoma”, Hadeel Al Najar, banore e zhvendosur e Gazës.

Aktualisht llogariten deri në 1.4 milionë të zhvendosur në Gaza, me rreth 590 mijë që janë strehuar në kampet e agjencive të OKB-së. Tejmbushja e tyre po bëhet shqetësuese.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

SHBA sulmon gjatë natës dy provinca në juglindje të Iranit, lëshuan 13 raketa

Shtetet e Bashkuara nisën sulme ndaj Iranit për natën e katërt radhazi të martën, me pjesën më të madhe të fushatës që synonte Sistanin dhe...
12:25 | 15/07/2026

Spanja dhe Gjibraltari festojnë rënien e gardhit kufitar pas nënshkrimit të ‘marrëveshjes historike’

Spanja dhe Gjibraltari po festojnë rënien e gardhit të fundit kufitar në Evropën Perëndimore, pas nënshkrimit të një marrëveshjeje pas Brexit-it që i jep fund kontrolleve kufitare...
12:17 | 15/07/2026

Mbi 140 tifozë të arrestuar në Paris pas gjysmëfinales së Kupës së Botës Francë-Spanjë 

Policia franceze arrestoi gjithsej 141 tifozë futbolli në Paris herët të mërkurën pas humbjes së ekipit kombëtar francez në gjysmëfinalen e Kupës së Botës, raportoi...
12:13 | 15/07/2026