6 drejtues mjetesh janë arrestuar gjatë javës në Elbasan, pasi kanë shkelur rregullat e qarkullimit rrugor.

Ata akuzohen për veprat penale “Shkelja e rregullave të qarkullimit rrugor” dhe “Drejtimi i mjeteve në mënyrë të parregullt”.

Sakaq policia bën me dije se gjatë javës janë pezulluar 44 leje drejtimi, nga të cilat 28 për tejkalim të normave të shpejtësisë dhe 16 për drejtim të mjetit nën ndikimin e alkoolit.

“Policia Rrugore e Elbasanit apelon për drejtuesit e mjeteve që të respektojnë me rigorozitet rregullat e qarkullimit rrugor, të shmangin përdorimin e celularit gjatë drejtimit të mjetit dhe drejtimin e mjetit nën efektin e alkoolit. Ftojmë të gjithë qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor, duke u garantuar reagim të shpejtë.”- njofton policia e Elbasanit.

LEXONI GJITHASHTU: 

• VIDEO/ Rrjedhje gazi nga cisternat në Porto Romano në Durrës
• Marrëveshja me Berishën do të firmoset brenda 24 orëve, thotë Meta