Shkëmbimi i territoreve i rrezikshëm, Raci: Për ndryshim kufijsh, kemi Shqipërinë

Gazetari dhe analisti Gazmir Raci, i ftuar në Euronews Albania, e cilësoi të rrezikshme idenë e shkëmbimit të territoreve, por shtoi se Kosova nuk është pa alternativë në këtë drejtim.

Sipas tij, nëse fuqitë e mëdha kanë interesa për ndryshim të kufijve të Ballkanit, Kosova e ka shtetin amë dhe mund të bashkohet me Shqipërinë.

“Kjo pjesa e shkëmbimit të territoreve është e rrezikshme. Unë nuk jam ithtar i shkëmbimit të territoreve. Nëse faktori ndërkombëtar apo Fuqitë e Mëdha kanë interesa për riformulim të Ballkanit apo shtetit apo kombeve në Ballkan, atëherë pa problem, ne mund të bisedojmë. Kemi Shqipërinë dhe mund të bashkohemi. Ne nuk e kemi alternativë Rusinë, por ne nuk jemi pa alternativë, pse të frikësohemi”, tha Raci.

LEXONI GJITHASHTU:

• Akuzat e Molliqajt: Si presidentja Osmani po kërkon komb kosovar dhe jo shqiptar
• ‘Kosova’ në Durrës për festa, asnjë organizim nga bashkia, por hotelet plot