Akuzat e Molliqajt: Si presidentja Osmani po kërkon komb kosovar dhe jo shqiptar

Kryetari i Partisë Social Demokrate, Dardan Molliqaj ka akuzuar Presidentin e Kosovës, Vjosa Osmani, në lidhje me qasjen që sipas tij, ajo ka karshi popullit shqiptar.

Në emisionin “Now” në Euronews Albania, Molliqaj u shpreh se Osmani është për kombin kosovar dhe jo atë shqiptar.

“As unë nuk do ta prisja një President të Shqipërisë, nëse do të kishte qasjen që ka Presidentja e Kosovës karshi kombit shqiptar. Është kosovocentrike, është për kombin kosovar.

Është diçka tjetër kosovocentrizmi, është krijimi i identitetit të ri kombëtar, që është kosovarizmi. Unë nuk i shof çështjet nëse Edi Rama ose Albin Kurti ose Vjosa e ka këtë, këto çështje i shoh karshi bindjeve të mia. Prej vështrimit tim, kjo më intereson”, theksoi ai.

LEXONI GJITHASHTU

• “Të përgatitemi për bashkim kombëtar”, Kreshnik Spahiu: Mund të jetë dhuratë
• “80% e shqiptarëve duan bashkim kombëtar”, pedagogu: Sekreti pse s’mund të ndodhë
• ‘Do të asimilohen në 1000%’, Kreshnik Spahiu bën paralajmërimin për Kosovën