Shkencëtarja në Wuhan mirëpret hetimet për COVID, ekipi përballet me pengesa

Shkencëtarja kineze në Wuhan i ka thënë BBC se është e hapur për “çdo lloj vizite”.

Deklarata nga Prof. Shi Zhengli erdhi ndërkohë që ekipi i Organizatës Botërore të Shëndetësië përgatitet të udhëtojë në Wuhan muajin tjetër për të filluar hetimin mbi origjinën e Covid-19, sipas lajmerimit që është dhënë ditë më parë.

Anëtarët e ekipit të BBC treguan se u përballen me shumë pengesa gjatë rrugës drejt Wuhan, dhe u desh ta linin misionin e tyre në mes.

Ata u shprehen se zyrtarë policorë dhe zyrtarë të tjerë me makina i ndoqën për kilometra të tëra duke i ndjekur përgjatë gjithë rrugëtimit të tyre.

Njëkohësisht ata treguan se në mesin e shumë pengesave, gjendej edhe një kamion i “prishur”, për të cilin vendasit u kishin thënë se ishte vendosur disa minuta përpara se ata të mbërrinin.

Ekipit të BBC i’u desh që ta braktiste misionin në mes, por ata njoftuan se gjithashtu gjatë rrugës kishin hasur disa burra të paidentifikuar që ua kishin bërë të qartë se ndodhëshin aty për t’i mbajtur jashtë.