Shkon në 146 numri i viktimave nga tërmeti katastrofik në Kinë

Numri i të vdekurve nga tërmeti me magnitudë 6.2 që goditi Kinën veriperëndimore të hënën është rritur në 146, me tre të zhdukur, raportojnë mediat shtetërore kineze.

Rreth 1000 persona u plagosën nga tërmeti. Qindra kontejnerë të përkohshëm strehimi janë vendosur në Kinën veriperëndimore për të mbijetuarit e një tërmeti që shkatërroi më shumë se 14.000 shtëpi, raportoi AP.

Transmetuesi shtetëror CCTV tregoi pamjet që tregonin vinça duke vendosur kontejnerë në fshatin Meipou në provincën Gansu. Pritet që gjithsej 500 kontejnerë të vendosen në nëntë lokacione në atë fshat.

Më shumë se 87,000 njerëz u evakuuan pas tërmetit të së hënës mbrëma, shumë të grumbulluar në tenda në temperatura nën zero.