Shkon në 350 numri i viktimave pas tajfunit Yagi, ja sa llogaritet dëmi ekonomik

Numri i viktimave nga tajfuni Yagi në Vietnam ka shkaur në 350, pasi stuhia shkaktoi 1,6 miliardë dollarë humbje ekonomike në vendin e Azisë juglindore.

2000 persona të tjerë janë lënduar nga rrëshqitjet e dheut dhe aksidente të tjera të lidhura me shiun.

Ministri i Planifikimit dhe Investimeve Nguyen Çi Dung tha se dëmi total paraprak i tajfunit vlerësohet në rreth 1.6 miliardë dollarë.

GDP-ja e vendit, shtoi ai, mund të tkurret me 0.35% dhe 0.22% në dy tremujorët e ardhshëm dhe 0.15% këtë vit.

Qeveria ka nisur një fushatë mbështetëse për të mbledhur një fond prej të paktën 40.7 milionë dollarë nga donatorët vendas dhe të huaj, për banorët e goditur nga stuhia.

Australia, SHBA, Japonia, Zvicra dhe Koreja e Jugut janë zotuar gjithashtu të mbështesin Vietnamin për të kapërcyer pasojat e tajfunit Yagi.

India, Japonia dhe Zelanda e Re kanë dërguar tashmë ndihma në Vietnam.

LEXONI GJITHASHTU:

• Të paktën 100 persona humbën jetën në Myanmar nga tajfuni Yagi
• Rritet numri i të vdekurve në Vietnam pas tajfunit Yagi, 233 viktima