English

“Shkoni te ai maskarai”- Momenti kur militantët e PD-së përplasen me deputetët

KOMENTE

SHPERNDAJE
ARTIKULLIN

Text sizeAa Aa

Mbledhja e Kryesisë së Partisë Demokratike që u mbajt në mbrëmjen e të martës, u shoqërua me përplasje të forta si brenda sallës së mbledhjes ashtu dhe jashtë selisë së PD-së.

- Advertisement -

Në sallë u përplasën dy platformat për zgjedhjen e kreut të ri të PD-së. Grupi parlamentar i udhëhequr nga kryetari Gazment Bardhi i qëndronte platformës se fillimisht duheshin zhvilluar zgjedhjet në bazë për riorganizimin e strukturave dhe më pas të kalohej në zgjedhjen e kryetarit. Ndërkohë që Kolegji i Kryetarëve kërkonte caktimin e datës për zgjedhjen e kryetarit dhe më pas të bëhej riorganizimi i partisë në bazë.

Në një moment kur deputetët që ishin kundër propozimit të Kolegjit të Kryetarëve, po largoheshin nga mbledhja, ata janë sharë dhe ofenduar në ambientete e jashtme të selisë nga disa simpatizantë të ish-kryetarit Lulzim Basha.

“Po na torturoni. Dëgjo kaq po të them. T’ju vi turp! Burgun e kam ngrënë unë, gazin e kam ngrënë unë, ju keni ndenjur si mbretër atje. Turp t’ju vijë turp”, iu drejtuan simpatizantët deputetëve, në videon e siguruar nga gazetari i Euronews Ardit Hoxha.

Deputetët që u larguan nga mbledhja ishin Gazment Bardhi, Saimir Korreshi, Helidon Bushati, Dashnor Sula, Lefter Gështenja, Bledion Nallbati, Dhurata Çupi, duke mbajtur kështu një qëndrim kundër propozimit të Kolegjit të Kryetarëve.

Gjatë tensioneve mes mbështetësve te Bashës dhe deputetëve që u larguan nga mbledhja, janë sulmuar dhe ofenduar edhe gazetarët.

Pas përplasjeve të shumta, në përfundim të mbledhjes Kryesia vendosi hapjen e procesit zgjedhor dhe mbajtjen e zgjedhjeve për Kryetarin e PD me datë 29 korrik 2023.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×