Shoferi e mori para kur i ranë lekët në tokë, detaje nga aksidenti me vdekje i 7-vjeçarit teksa lypte

Detaje të reja janë zbardhur nga aksidenti tragjik i ndodhur të martën ku një fëmijë 7-vjeçar u përplas për vdekje nga dy automjete teksa ishte duke lypur.

Nga këqyrja e kamerave të sigurisë mendohet se Tomorr Shukulli i ka dhënë lekë të miturit, këtij të fundit i kanë rënë në tokë dhe është ulur për t’i marrë.

Dyshohet se drejtuesi i mjetit nuk e ka parë dhe e ka përplasur. Drejtuesja e dytë e mjetit Valentina Koltraku dyshohet se i ka dhënë goditjen fatale.

Policia arrestoi mbrëmjen e së martës 2 drejtuesit e mjeteve Valentina Selman Koltraku, 42 vjeçe dhe Tomorr Kostandin Shukulli, 55 vjeç, të cilët u larguan nga vendi i ngjarjes pasi përplasën të miturin.

7-vjeçari fillimisht është goditur nga mjeti i Shukullit dhe më pas nga mjeti i Koltrakut. Ngjarja ndodhi rreth orës 11:20, në rrugën “Kastriotët”.