Shokon Sharra: Edhe në kohën e PD ka pasur korrupsion në Kadastrën e Vlorës

Kandidati për deputet i Partisë Demokratike, Hysni Sharra tha në “RinOn” në Euronews Albania se edhe në kohën e PD-së ka pasur drejtorë të korruptuar në Kadastrën e Vlorës.

Ndërsa deputetja e Partisë Socialiste kujtoi 7501 si një ligj famëkeq që çoi në konflikte dhe Sharra ra dakord, ai theksoi se kjo nuk do thotë se ajo agjenci shtetërore nuk po vazhdon të hiqet zvarrë.

“Për mendimin tim korrupsioni është rritur, madje dhe drejtori i Përgjithshëm del një herë në tre muaj thotë s’di gjë unë qenkan bërë lëmsh regjistrat, do i marr nga Tirana t’i çoj në Durrës, do komandoj drejtorin e Vlorës, ai hajdut, ky maskara,” – u shpreh Sharra.

LEXONI GJITHASHTU:

• Nga çfarë vuan Vlora sot? Denaj flet për problematikat e qytetit 
• Dy aksidente brenda pak minutash në Vlorë, 4 të plagosur