‘Shoqëria shqiptare në krizën më të thellë’, Manjani komenton sondazhin

Ish-ministri i Drejtësisë, Ylli Manjani komentoi sondazhin e Euronews Albania ku u shpreh se shoqëria shqiptare është në krizën e saj më të thellë të mundshme të besimit dhe përfaqësimit.

Ai theksoi se ky sondazh tregon arsyen pse po ikin shqiptarët nga vendi.

“Rezultati siç e shoh unë tregon se shoqëria shqiptare është në krizën e saj më të thellë të mundshme të besimit dhe përfaqësimit. Shoqëria shqiptare nuk beson në asgjë, as në politikë, as tek institucionet, as te feja, as tek ndërkombëtarët. Kjo është një krizë e thellë e gjithanshme. Shqiptarët nuk besojnë në asgjë, prandaj dhe ikin. Shqiptarët përfaqësohen keq dhe shumë keq”, u shpreh Manjani.

Shqiptarëve ju ngjallin më shumë besim ndërkombëtarët se sa institucionet shtetërore.

Të pyetur nga Barometri në Euronews Albania, Ambasada Amerikane renditet e para si institucioni me besueshmërinë me të lartë me 33.2% pasuar nga delegacioni i BE me 30.7% dhe OSBE me 23%.

Pas, ndërkombëtarëve janë liderët fetarë, të cilët kanë arritur të sigurojnë me shumë besim se institucionet shtetërore me 23%.

LEXONI GJITHASHTU:

• Shqiptarët u besojnë më shumë ndërkombëtarëve se institucioneve shtetërore
• Televizionet ndiqen më shumë nga të moshuarit, gjetjet e Barometrit