Eksperti Enriko Ceko ishte këtë të diel në “Review” në Euronews Albania ku tha se Menaxhimi i ujërave ka qenë problematik në 30 vitet e fundit.
Duke folur për skandalin në Ujësjellësin e Vlorës, shpjegoi se si e parashikon kodi i punës ngritjen e padive ligjore.
“Menaxhimi i ujërave ka qenë problematik në 30 vitet e fundit. Shoqëritë aksionere në Shqipëri, kanë dështuar duke filluar që nga viti 1994. Problemi kryesor i ujërave në Shqipëri është se uji shikohet si mall dhe jo si e drejtë. Në momentin që uji shikohet si mall, të gjithë duan të përfitojnë para nga uji duke ngritur edhe skema të kësaj natyre.
Sipas Kodit të punës punëmarrësi ka të drejtë të kërkojë dëmshpërblim nga punëdhënësi në rast të shkeljes së të drejtave të tij, deri në një periudhë prej 3 vitesh. Për zgjidhjen e kontratës pa shkaqe të justifikuara punëmarrësi duhet të ngrejë padi në gjykatën kompetente brenda 180 ditëve nga zgjidhja e kontratës”,-tha Ceko.
