Shoqërohen në komisariat tifozët nga Kosova, kapen me tymuese e flakadanë në Morinë

Policia në Pikën Kufitare të Kosovës ka ndaluar 12 shtetas të cilët po hynin nga Kosova me qëllim ndjekjen e kombëtares shqiptare të futbollit.

Tifozeve iu kapën në 2 automjetet që lëviznin lëndë piroteknike dhe mjete prerëse, me qëllim përdorimin gjatë ndeshjes Shqipëri – Çeki.

Policia bën me dije se ka sekuestruar 43 kapsolla, 12 tymuese, 9 flakadanë dhe 2 mjete prerëse, thika.

“Në kuadër të intensifikimit të punës në hyrje të vendit, me qëllim parandalimin e futjes së sendeve të kundërligjshme që mund të përdoren gjatë ndeshjes së futbollit Shqipëri – Çeki, e cila do të zhvillohet mbrëmjen e sotme, shërbimet e Policisë Kufitare të PKK Morinë dhe ato të Drejtorisë Vendore të Policisë Kukës, kanë kaluar në vijë të dytë, për kontrolle të imtësishme, automjetin tip “Volksëagen”, me drejtues shtetasin E. A., 22 vjeç, banues në Preshevë, dhe automjetin tip “BMË”, me drejtues shtetasin F. Ç., 30 vjeç, banues në Kosovë.

12 shtetasit u shoqëruan në Drejtorinë Vendore të Policisë Kukës, me qëllim kryerjen e hetimeve dhe veprimeve procedurale të mëtejshme për posedimin e kundërligjshëm të këtyre sendeve”, njofton policia.

Kujtojmë se në një reagim pak herët, ishte vetë ministri i Brendshëm Taulant Balla ai i cili kërkoi nga tifozët të mos marrin në stadium mjete piroteknike, pasi Kombëtarja rrrezikon të penalizohet nga UEFA për ndeshjen me Çekinë.

LEXONI GJITHASHTU:

• Raklli zbulon çelsin e suksesit të Silvinjos, parashikimi për ndeshjen me Çekinë
• Ndeshja me Çekinë, 22 mijë qeleshe shpërndahen në ulëset e stadiumit
• Broja nuk luan me Çekinë, Gjasula po! Silvinjo thotë fjalën e fundit për lojtarët