Shpata e Napoleon Bonapartit shitet për 4.7 milionë euro në ankand

Shpata e rrallë e Napoleon Bonapartit është shitur për 4.7 milionë euro në një ankand në Paris.

Kjo shifër gati shtatë herë më e lartë se çmimi fillestar i vendosur nga shtëpia franceze e ankandeve.

Shpata elegante e punuar me shumë detaje nga një prej armëpunuesve më të mirë të kohës, është mbajtur nga Napoleoni, kur mbante postin e konsullit të parë apo numrit 1 të ekzekutivit të Francës në Republikën e Parë.

Napoleoni e mbajti atë deri në fund të mbretërimit të tij në vitin 1814 dhe ia dhuroi besnikut të tij Emmanuel, kreut të ushtrisë, familja e të cilit e trashëgoi për dekada të tëra.

Kjo shpatë arriti çmimin e dytë më të lartë të shitjes mes armëve të tij, pas një tjetër shpate të ngjashme të shitur 4.8 milionë në vitin 2007.

Në një tjetër ankand që zhvillohet online në Paris, që zhvillohet më 25 qershor, në shitje dalin 150 sende të tjera personale të perandorit francez që la gjurmë në historinë e Europës.

Mes tyre janë edhe mëngë nga veshjet e tij, një fron, gota, pirunj, thika, etj., të cilat janë ekspozuar paraprakisht në Hong Kong.

LEXONI GJITHASHTU:

• Veprat e para të Shekspirit dalin në ankand, 4 botimet do shiten për 6 mln dollarë
• Letra e të mbijetuarit të Titanikut shitet në ankand për 300,000 £