Kryetari aktual i Prishtinës, Shpend Ahmeti, ka uruar Përparim Ramën që pritet të jetë tashmë pasardhësi i tij në krye të Komunës së Prishtinës.
“Përparimit i uroj suksese në mandatin e radhës dhe natyrisht se do të përgjigjem sa herë kanë nevojë për informata e sqarime. Po ashtu i uroj përmbushjen e premtimeve”, tha Ahmeti.
Po ashtu, Ahmeti ka pasur disa fjalë edhe për Arben Vitinë duke e përgëzuar për punën.
“Në natë të tillë është lehtë me e godit humbësin e zgjedhjeve. Unë sonte e përgëzoj Arbenin për punën, fushatën e rezultatin. Duke e njohur, e di se nuk do të jetë fundi i angazhimit tij publik”, shtoi ai.
Kryetari aktual i Komunës së Prishtinës mbyll reagimin e tij duke thënë se pas certifikimit të rezultatit do të organizojë dorëzimin e detyrës.
LEXONI GJITHASHTU: